اي ال هيحصل لو تم غزو القرية بتاعتك و مكنش فيه غيرك يقف قدام الشر..؟

حصل حاجات كتير في الفترة الاخير حصل انتقام عظيم من قبل عشيرة كاملة من الجن و كل ده بسبب ساحر طايش لا يفقه شيئ عشان كدة كان لازم حد يقف قدامه و كان لازم حد يصلح ال حصل عشان كدة انا قررت اصلح كل ال حصل و بالاخص ان معايا قدرات خاص مش زي بني ادم طبيعي.. 

انا الشيخ متولي متسألنيش عن سني لاني عيشت اكتر منك يمكن عيشت عمر فوق عمرك عشان كدة ركز معايا كويس و عايزك تعرف كل حاجة عشان تبقا عارف راسك من رجليك.. 

الموضوع ابدا في البلد لما انتشر عن النت كتب كتير لسحر و طبعا هتقولي كل الكتب محرفة احب اقولك ان معظم الكتب محرفة بس مش كلها عشان كدة شوية شبان جابوا مجموعة من الكتب و طبعوها و بدأ كل واحد فيهم يتحدي التاني و بدا يخربوا في الارض و البلد و تحولت البلد من بلد جميلة جدا الي بلد موحشة و حل الظلام عليها و مبقاش يطلع النهار و حصل كوارث استغل ساعتها الحرامية و النصابين و الدجالين كل ده و بدأ كل واحد فيهم يشتغل لمصلحته بس كلهم بغرض واحد و هو تدمير الارض و اولهم البلد... 

الموضوع ما وقف عند هنا بس شوية الشباب دول بعد ما طبعوا كتب السحر بدا كل واحد فيهم يتعلم كيفية تحضير الجن و تحضير الاموات و التكلم معهم و معرفة الماضي و الحاضر و المستقبل و العلم عند الله عشان كدة كان لازم حد يظهر حد يوقف كل ده حد يبقا قوي و في نفس الوقت عارف ربنا كويس عشان كدة انا قررت اظهر قررت اظهر بعد اختفاء من البلد اكتر من عشرين سنة و كنت مختفي لأني كنت بحفظ القران الكريم و بحفظ الاحاديث و عرفت حاجات كتير عن الدين الاسلامي و هو ديني عشان كدة بدا رحلتي و بدات ارجع لي البلد لما جالي خبر ان البلد تدمر و ساعتها عرفت ان ده وقتي ده الوقت ال لازم اظهر فيه ولازم اظهر و معايا قوة عظمي عشان اعرف اساعد الناس و ارجع النظام لي البلد و لي العالم كله و بدات رحلتي و بدا معاها السلام... 

اول ما وصلت البلد كان معايا زوجتي و ابني و بنتي وصلت و فتحت شقتي القديمة و اكتشفت ان الشقة كلها انسرقت و مبقاش فيها اي حاجة غير الاثاث بس الحمد لله انا كنت عامل حسابي و جايب كل حاجة و عرفت زوجتي و ولادي ان مهما يحصل او مهما يشوفوا ما يخافوا ولا يقلقوا و اي حاجة تحصل يكلموني علي طول و هكون عندهم.. 

بس انت اكيد بتسأل ازاي انا هقدر اقف قدام سحرة و دجالين احب اقولك اني مش شخص عادي انا شخص معاه خدمات و كرامات و كل ده بفضل ربي و عطائه عشان كدة كنت استخدم قدراتي في اني اساعد الناس و اخرج الجن من علي الناس و اساعدهم و اكون معاهم لغاية ما يبقوا كويسين.. 

نزلت من البيت و اول ما نزلت انا حاسس ان في حد معايا الشوارع كانت سودة و مكنتش شايف قدامي بس كنت منور كشاف معايا و بعد لحظات سمعت صوت صرخات شخص جي من قدام.. 

جريت بسرعة لحد ما وصلت عند مكان الصوت و لقيت شخص واقع علي الارض و يصرخ من الوجع قربت منه و عرفت انه مصاب من الجن... ولما عرفت بدأت احط ايدي علي راسه و بدات اقرا قران بصوت عالي جدا و بدا يسكت و حالته تحسنت و بعديها قام علي رجليه و قال: 

_شكرا جدا ليك انا مش عارف اقولك اي انا افديك بروحي 

_متقولش كدة انا معملتش غير ال اقدر عليه يلا روح بيتك و خلي بالك من عيالك

سكت شوية و بان عليه الحزن و قال: 

_انا زوجتي و عيالي ماتوا... ماتوا لما تهجم علينا شوية حرامية و انا مقدرتش ادافع عنهم.  

سكت شوية و زعلت علي زعله و بصيت ليه وقولت: 

_انت ناوي دلوقتي علي اي

_انا ناوي اني انتقم منهم ناوي انتقم منهم و اجيب حقي خليني معاك و اساعدك يمكن تحتاج ليا.. 

سكت شوية و فكرت في ال بيقولوا و قولت له: 

_ماشي بس اوعي تعمل حاجة غير لما اقولك عليها

_حاضر انت اسمك اي

_انا اسمي الشيخ متولي

_حبيبي يا شيخ

فضلت ماشي انا و هو لحد ما وصلت عند مكان غريب مكان البيوت في مهجورة قاطع تفكيره كلامه و هو بيقول: 

_يا شيخ المكان ده كان اخر مكان في السحرة خلي بالك

بصيت ليه و بضحكة خفيفة وقولت: 

_ال معاه ربنا مش يخاف. 

و فعلا دخلت المكان ده بس مكنش موجود في حد و نزلت من المكان و فضلت ماشي في الشارع لكن حسيت تصرف معتز (الشخص ال معايا) تصرفه غريب بصيت ليه وقولت له: 

_مالك في اي 

_انا حاسس ان في حد معانا في حد ماشي ورانا من ساعة ما احنا ماشيين

سكت شوية و فعلا كلامه صح انا حاسس ان في حد مراقبنا.. وقفت في مكاني و بصيت حواليا و بعد لحظات سمعت صوت ضحكات عاليا جدا ضحكات مرعبة ضحكات مش عادية ده مش شخص بيضحك ده جن... 

بصيت لي معتز وقولت له: 

_معتز انزل علي رجلك بسرعة

معتز نزل بسرعة علي رجله و اول ما نزل حد حدف طوبة كبيرة جدا علينا و الحمد الله اخدت بالي.. 

بصيت لي معتز وقولت له: 

_معتز يلا من هنا بسرعة المكان هنا مش هينفع نقعد فيه كتير.. 

و فعلا مشيت انا و معتز لكن و احنا ماشيين سامعين صوت خطوات من خلفنا... بصيت لي معتز وقولت له: 

_معتز مهما تشوف او تسمع دلوقتي اوعي يغمي عليك اوعي يا معتز

و فعلا بعديها معتز وقف في مكانه و بدا يمسك راسه وانا كنت بقوله: 

_معتز ما تسلم راسك ليهم يا معتز ما تسلم راسك ليهم يا معتز يا معتز.. 

و فجأة معتز وقع في الارض... جريت علي بسرعة و حاولت اني افوقه لكن قلبه مكنش بيدق.. ساعتها تملكني الرعب و الخوف شيلته بسرعة من علي الارض و انا ماشي كنت سامع صوت ضحكات وصرخات من حاولي و كان الصوت قوي جدا و مخيف لحد ما وصلت لمكان و المكان ده هادي شوية.. وضعت معتز علي الارض و خبط علي صدره عشان يفوق و يصحي لكن للأسف ما صحي معتز "مات" 

دخل جوة قلبي الحزن علي معتز و حزنت عليه حزن كبير بس انا لازم اتخلص من ال بيحصل ده لازم الاقي السحرة دول لازم.. وقبل ما اكمل كلامي سمعت صوت بيقول: 

_انت بدور علينا صح يا متولي

بصيت علي منبع الصوت و شوفت ثلاثة شباب لابسين اسود في اسود و كل واحد معاه كتاب و عرفت ان الكتاب ده هو كتاب سحر و كانوا بيقربوا مني و كل ما حد فيهم يقرب كنت اسمع صوت ضحكات و فجأة الارض بدأت تهتز.. 

قومت من مكاني وقولت ايات من القران بصوت عالي و طلعت المصحف و بدات اقرا في سورة البقرة و بدات اقول الاذكار و الاحاديث و اقول اية الكرسي و فجأة كل واحد منهم وقع في الارض و كانوا يصرخوا صرخات عاليا جدا و بعديها ظهر نار كبيرة جدا حواليهم و واحد منهم قال: 

_ده مش النهاية احنا مش هنسيبك ولا هنسيب البلد.. 

و فجأة اختفوا زي ما ظهروا واول ما اختفوا رجعت الشمس تشرق من تاني و سمعت صوت معتز بيكح.  

جريت عليه و لقيت معتز فاق معتز ما متش معتز كويس... 

جريت عليه و حضنته وقومته من علي الارض و عرفته اننا انتصرنا علي الشر و اني هوصله لي بيته لكن قالي: 

_يا متولي سيبني هنا انا حاسس ان ده نهايتي سيبني انا هكون كويس انا هشوف زوجتي و عيالي في الجنة و صدقني انا هبقا كويس

_لا يا معتز لا قوم انت هتبقا كويس قوم.. 

لكن للأسف معتز غمض عينه و عرفت ساعتها انه راح لي الاحسن مني و منك الله يرحمك يا معتز.. 

شيلت معتز و روحت المقابر و دفنته و قريت الفاتحة... 

و ساعتها روحت لي البيت عندي و اطمأنت علي ولادي و زوجتي و الحمد الله بخير و رجع السلام لي البلد و لي العالم كله بس هما مش هيسكتوا هما هينتقموا من تاني بس صدقني يا معتز لو ظهروا من تاني انا هنتقم علشانك... 

تمت..